।।भक्तिदर्शनम्।।

ॐ

पूज्यपाद महर्षि शाण्डिल्य कृत

।।भक्तिदर्शनम्।।

~~ सरलीकृत ~~

मङ्लाचरणम् 

------------------

अजन्मानोलोकाः किमवयववन्तोऽपि जगता-

मधिष्ठातारं किं भवविधिरनादृत्य भवति। 

अनीशो वा कुर्याद् भुवनजनने कः परिकरो 

यतो मन्दास्त्वां प्रत्यमरवर संशेरत इमे।। ६

त्रयी साङ्ख्यं योगः पशुपतिमतं वैष्णवमिति 

प्रभिन्ने प्रस्थाने परमिदमदः पथ्यमिति च।

रुचीनां वैचित्र्यादृजुकुटिलनानापथजुषां 

नृणामेको गम्यस्त्वमसि पयसामर्णव इव।। ७

मनः प्रत्यक्चित्ते सविधमवधायात्तमरुतः 

प्रहृष्यद्रोमाणः प्रमदसलिलोत्सङ्गितदृशः।

यदालोक्याह्लादं ह्रद इव निमज्यामृतमये 

दधत्यन्तस्तत्त्वं किमपि यमिनस्तत् किल भवान्।। २५

त्वमर्कस्त्वं सोमस्त्वमसि पवनस्त्वं हुतवह-

स्त्वमापस्त्वं व्योम त्वमु धरणिरात्मा त्वमिति च।

परिच्छिन्नामेवं त्वयि परिणता बिभ्रतु गिरं 

न विद्मस्तत्तत्वं वयमिह तु यत्त्वं न भवसि।। २६

त्रयीं तिस्रो वृत्तीस्त्रिभुवनमथो त्रीनपि सुरा-

नकाराद्यैर्वर्णैस्त्रिभिरभिदधत् तीर्णविकृति।

तुरीयं ते धाम ध्वनिभिरवरुन्धामणुभिः 

समस्तं व्यस्तं त्वं शरणद गृणात्योमिति पदम्।। २७

नमो नेदिष्ठाय प्रियदव दविष्ठाय च नमो

नमः क्षोदिष्ठाय स्मरहर महिष्ठाय च नमः। 

नमो वर्षिष्ठाय त्रिनयन यविष्ठाय च नमः

नमः सर्वस्मै ते तदिदमिति शर्वाय च नमः।। २९

बहुलरजसे विश्वोत्पत्तौ भवाय नमो नमः

प्रबलतमसे तत्संहारे हराय नमो नमः।

जनसुखकृते सत्त्वोद्रिक्तौ मृडाय नमो नमः

प्रमहसि मदे निस्त्रैगुण्ये शिवाय नमो नमः।। ३०

***

भूमिका :

देवर्षि नारदजी ने श्री महाविष्णु से पूछा,  

प्रभो!  सत्य कहो आप तो सर्वव्यापक ही हैं, परन्तु विशेष करके किस स्थान में रहते हो? 

ऐसा नारदजी के प्रश्न करने पर श्री विष्णुजी ने कहा :

"नाहं तिष्ठामि वैकुण्ठे योगिनां हृदयेऽपि च। 

मद्भक्ता यत्र गायन्ति तत्र तिष्ठामि नारद।।"

श्री महाविष्णु बोले :

मैं जैसा भक्त के हृदय में प्रीति से रहता हूँ वैसा योगियों के हृदय में वा वैकुण्ठ में भी नहीं रहता। 

अर्थात् ईश्वर की प्राप्ति के विषय में सबसे श्रेष्ठ भक्ति ही है। 

भक्ति करने से साधारण अज्ञ-जन भी ईश्वर के पद को प्राप्त हो गये। अतः ईश्वरप्राप्ति के लिए यह महर्षि शाण्डिल्य प्रणीत ग्रन्थ "भक्तिदर्शनम्" जिज्ञासु भक्तों के लिए परम सुगम उपाय है। 

(सौजन्य : खेमराज श्रीकृष्णदास --"श्रीवेंकटेश्वर" प्रेस)

संवत् १९७९ में प्रकाशित स्वामी ज्ञानानन्द जी कृत ग्रन्थ के भाषा भाष्य से। 

***

प्रथमोऽध्यायः --

प्रथमाह्निकः :

ॐ अथातो भक्ति जिज्ञासा।। १

ॐ अथ अतः भक्ति-जिज्ञासा (क्रियते) ।।

सा परानुरक्तिरीश्वरे।। २

सा परा-अनुरक्तिः ईश्वरे।।

तत्संस्थस्यामृतत्वोपदेशात्।। ३

तत्-संस्थस्य-अमृतत्व-उपदेशात् ।।

ज्ञानमितिचेन्नद्विषतोऽपिज्ञानस्यतदसंस्थितेः ।। ४

ज्ञानं इति चेत्, -न, द्विषतः अपि ज्ञानस्य तत्-असंस्थिते।। 

तयोपक्षयाच्च।। ५

तया उपक्षयात् च।। 

द्वेषप्रतिपक्षभावाद्रसशब्दाच्च रसः।। ६

द्वेष-प्रतिपक्ष-भावात्-रस-शब्दात्-च रसः।। 

न क्रियाकृत्यमनपेक्षणाज्ज्ञानवत्।। ७

न क्रिया-कृत्यं-अनपेक्षणात्-ज्ञानवत् ।।

अत एव फलानन्त्यम् ।। ८

अतः एव फल-आनन्त्यम् ।।

तद्वतःप्रपत्तिशब्दाच्च नज्ञानमितरप्रपत्तिवत्।। ९

तत्-वतः प्रपत्तिशब्दात् च न ज्ञानं इतर-प्रपत्तिवत्।।

सा मुख्येतरापेक्षितत्वात् ।।१०

सा मुख्या-इतरा अपेक्षितत्वात्।। 

प्रकरणाच्च।। ११

प्रकरणात् च।। 

दर्शनफलमितिचेन्न तेनव्यवधानात्।। १२

दर्शनफलं इति चेत् न, तेन व्यवधानात्।। 

दृष्टत्वाच्च।। १३

दृष्टत्वात् च।। 

अत एव तदभावाद्बल्लवीनाम्।। १४

अतः एव तत् अभावात् बल्लवीनाम्।। 

भक्त्या जानातीतिचेन्नभिज्ञप्तया साहाय्यात्।। १५

भक्त्या जानाति इति चेत् न, अभिज्ञप्तया साहाय्यात् ।।

प्रागुक्तं च।। १६

एतेन विकल्पोऽपि प्रत्युक्तः।। १७

एतेन विकल्पः अपि प्रत्युक्तः।। 

देवभक्तिरितरस्मिन् साहचर्यात्।। १८

देवभक्तिः इतरस्मिन् साहचर्यात्।। 

योगस्तूभयार्थमपेक्षणात्प्रयाजवत्।। १९

योगः तु उभय-अर्थंं-अपेक्षणात्-प्रयाजवत् ।।

गौण्या तु समाधिसिद्धिः।। २०

गौण्या तु समाधि-सिद्धिः।।

हेया रागत्वादितिचेन्नोत्तमास्पदत्वात् सङ्गवत्।। २१

हेया रागत्वात् इति चेत् न, उत्तमा आस्पदत्वात् सङ्वत्।। 

तदेवकर्म्मिज्ञानियोगिभ्य आधिक्यशब्दात्।। २२

प्रश्ननिरूपणाभ्यामाधिक्यसिद्धेः।। २३

प्रश्न-निरूपणाभ्यां आधिक्य-सिद्धेः ।।

नैव श्रद्धा तु साधारण्यात्।। २४

न एव श्रद्धा तु साधारण्यात्।। 

तस्यांं तत्वेचानवस्थानात्।। २५

तस्यां तत्वे च अनवस्थानात्।। 

(अनवस्था-दोष :

शंका : जैसे संसार को किसी (सृष्टिकर्त्ता) ने तो बनाया होगा!

समाधान : 

यदि ऐसा हो तो प्रश्न उठता है कि फिर उस सृष्टिकर्त्ता को भी किसी न किसी ने बनाया होगा। इसे ही तर्कशास्त्र में --

"अनवस्था-दोष"

कहा जाता है। 

इसलिए सृष्टि का अर्थ निर्माण नहीं, प्रकृति (जीव तथा जगत्) का अव्यक्त से व्यक्त रूप ग्रहण करना और पुनः व्यक्त से अव्यक्त में लौट जाना है।)

बुद्धिहेतुप्रवृत्तिराविशुद्धेरवघातवत्।। २७

बुद्धि-हेतु-प्रवृत्तिः आविशुद्धेः अवघातवत्।। 

तदङ्गानाञ्च।। २८

तत्-अङ्गानां च।। 

तामैश्वर्य्यपदां काश्यपःपरत्वात्।। २९

तां ऐश्वर्य्यपदां काश्यपः-परत्वात् ।।

आत्मैकपरां बादरायणः।। ३०

आत्म-एक-परां बादरायणः।। 

उभयपरां शाण्डिल्यः शब्दोपपत्तिभ्याम्।। ३१

उभयपरां शाण्डिल्यः शब्द-उपपत्तिभ्याम् ।।

वैषम्यादऽसिद्धमितिचेन्नाभिज्ञानवदवैशिष्ट्यात्।। ३२

वैषम्यात् असिद्धं इति चेत्,  -न, अभिज्ञानवत् अवैशिष्ट्यात् ।।

न च क्लिष्टः परस्मादनन्तरं विशेषात्।। ३३

न च क्लिष्टः परस्मात् अनन्तरं विशेषात्।। 

ऐश्वर्य्ये तथेति चेन्न स्वाभाव्यात्।। ३४

ऐश्वर्य्ये तथा इति चेत्, -न, स्वाभाव्यात्।।

अप्रतिषिद्धं परैश्वर्य्यं तद्भावाच्च नैवमितरेषाम्।। ३५

अप्रतिषिद्धं पर-ऐश्वर्य्यं तत्-भावात् च न-एवं इतरेषाम्।। 

सर्वानृते किमितिचेन्नैवं बुद्ध्यानन्त्यात्।। ३६

सर्वान् ऋते किं इति चेत्, -न एवं, बुद्धि-आनन्त्यात् ।।

प्रकृत्यन्तरालादवैकार्यं चित्सत्त्वेनानुवर्तमानत्वात्।। ३७

प्रकृति-अन्तरालात् अ-वैकार्यं चित्-सत्त्वेन-अनुवर्तमानत्वात् ।।

तत्प्रतिष्ठागृहपीठवत्।। ३८

तत्-प्रतिष्ठा गृहपीठवत्।।

मिथोपेक्षणादुभयम्।। ३९

मिथा-उपेक्षणात् उभयम् ।।

(मिथोऽपेक्षणात् उभयम्?)

चैत्याचितोर्नत्रितीयम्।। ४०

चैत्य-अचितोः न त्रितीयम्।। 

(तृतीयम्?)

युक्तौ च सम्परायात्।। ४१

युक्तौ च सम्परायात्।। 

शक्तित्वान्नानृतं वेद्यम्।। ४२

शक्तित्वात्, -न अनृतं वेद्यम्।।

तत्परिशुद्धिश्च गम्यालोकवल्लिङ्गेभ्यः।। ४३

तत्-परिशुद्धिः च गम्या लोकवत् लिङ्गेभ्यः ।।

सम्मान बहुमान प्रीति विरहेतर विचिकित्सा महिमख्याति तदर्थ प्राण स्थान तदीयता सर्व तद्भावा प्रातिकूल्यादीनि स्मरणेभ्यो बाहुल्यात्।। ४४

सम्मान बहुमान प्रीति विरहा-इतर विचिकित्सा महिमा-ख्यातिः तदर्थः प्राणः स्थानः तदीयता सर्व तत्-भावा प्रातिकूल्य आदीनि च स्मरणेभ्यः बाहुल्यात्।।

द्वेषादयस्तु नैवम् ।। ४५

द्वेष-आदयः तु न एवम्।। 

तद्वाक्यशेषात् प्रादुर्भावेष्वपि सा।। ४६

तत् वाक्यशेषात् प्रादुर्भावेषु अपि सा।। 

जन्मकर्म्मविदश्चाजन्मशब्दात् ।। ४७

जन्मकर्म्मविदः च अजन्म-शब्दात् ।।

तच्च दिव्यं स्वशक्तिमात्रोद्भवात् ।। ४८

तत् च दिव्यं स्वशक्तिमात्र-उद्भवात् ।

मुख्यं तस्य हि कारुण्यम्।। ४९

मुख्यं तस्य हि कारुण्यम्।। 

प्राणित्वान्न विभूतिषु।। ५०

प्राणित्वात्, -न विभूतिषु।।

द्यूतराजसेवयोः प्रतिषेधात्।। ५१

द्यूत-राजसेवयोः प्रतिषेधात्।। 

वासुदेवे प्रीतिचेन्न आकारमात्रत्वात्।। ५२

वासुदेवे प्रीति चेत्, -न आकारमात्रत्वात्।।

प्रत्यभिज्ञानाच्च।। ५३

प्रत्यभिज्ञानात् च।। 

वृष्णिषु श्रेष्ठत्वमेतत् ।। ५४

वृष्णिषु श्रेष्ठत्वं एतत्।। 

एवं प्रसिद्धेषु ।।५५

एवं प्रसिद्धेषु।। 

भक्त्या भजनोपसंहाराद्गौण्यापरायैतद्धेतुत्वात्।। ५६

भक्त्या भजन-उपसंहारात् गौण्या परायै तत्-हेतुत्वात्।।

रागार्थे प्रकीर्तिसाहचर्य्याच्चेततरेषाम् ।।५७

राग-अर्थे प्रकीर्ति-साहचर्य्यात् च इतरेषाम्।। 

अन्तराले तु शेषाः स्युरुपास्यादौ च काण्डत्वात्।। ५८

अन्तराले तु शेषाः स्युः उपास्य आदौ च काण्डत्वात्।।

ताभ्यः पावित्र्यमुपक्रमात् ।। ५९

ताभ्यः पावित्र्यं उपक्रमात् ।।

तासु प्रधानयोगात् फलाऽऽधिक्यमेके ।। ६०

तासु प्रधानयोगात् फल आधिक्यं एके ।।

नाम्नेति जैमिनिः सम्भवात्।। ६१

नाम्ना इति जैमिनिः सम्भवात्।। 

अत्राङ्गप्रयोगानां यथाकालसंभवो गृहादिवत्।। ६२

अत्र अङ्गप्रयोगानां यथाकालसंभवः गृह आदिवत्।। 

ईश्वरतुष्टैरेकोऽपिबली ।।६३

ईश्वरतुष्टैः एकः अपि बली।। 

अबन्धोऽपर्णस्य मुखम्।। ६४

अबन्धः अपर्णस्य मुखम्।। 

(जब किसी वृक्ष में पर्ण अर्थात् अंकुर आना बन्द हो जाता है। यहाँ अपर्ण का अर्थ अर्पण किया गया है, जो पर्याय से उचित ही है।) 

ध्याननियमास्तु दृष्टसौकर्यात्।। ६५

ध्यान-नियमाः तु दृष्ट-सौकर्यात्।। 

तद्यजिः पूजायामितरेषां नैवम्।। ६६

तत्-यजिः पूजायां इतरेषां, -न एवम्।।

पादोदकं तु पाद्यमव्याप्ते।। ६७

पादोदकं तु पाद्यं अव्याप्ते।। 

स्वयमर्पितं ग्राह्यमविशेषात्।। ६८

स्वयं अर्पितं ग्राह्यं अविशेषात्।। 

निमित्तगुणानपेक्षणादपराधेषु व्यवस्था।। ६९

निमित्त-गुणान्-अपेक्षणात् अपराधेषु व्यवस्था।। 

पत्रादेर्दानमन्यथा हि वैशिष्ट्यम् ।। ७०

पत्र-आदेः दानं अन्यथा हि वैशिष्ट्यम् ।।

सुकृतत्वात्परहेतुश्च भावाश्च क्रियासु श्रेयस्य।। ७१

सुकृतत्वात् पर-हेतुः च भावाः च क्रियासु श्रेयस्य।। 

गौणं त्रैविध्यमितरेण स्तुत्यर्थत्वात् साहचर्यम्।। ७२

गौणं त्रैविध्यं अन्तरेण स्तुति-अर्थत्वात् साहचर्यम्।। 

बहिरन्तरस्थमुभयमवेष्टि सर्ववत्।। ७३

बहिः अन्तरस्थं उभयं अवेष्टि सर्ववत्।। 

(अव इष्टि) 

भूयसामननुष्ठितिरितिचेदाप्रयाणमुपसंहारान्महत्स्वपि।। ७४

भूयसां अननुष्ठितिः इति चेत् आप्रयाणं उपसंहारात् महत्सु अपि।।

स्मृतिकीर्त्योः कथादेश्चार्तौ प्रायश्चित्तभावात्।। ७५

स्मृतिकीर्त्योः कथा-आदेः च आर्तौ प्रायश्चित्तभावात्।। 

लघ्वपि भक्ताधिकारे महत्क्षेपकमपरसर्वहानात्।। ७६

लघु अपि भक्त-अधिकारे महत्-क्षेपकं अपर-सर्वहानात्।।

तत्स्थानत्वादनन्यधर्मः खले वालीवत्।। ७७

तत्-स्थानत्वात् अनन्यधर्मः खले वालीवत्।।

अनिन्द्ययोन्यधिक्रियतेपारम्पर्यात्सामान्यवत् ।। ७८

आनिन्द्ययोनि-अधिक्रियते पारम्पर्यात् सामान्यवत्।। 

अतोह्यपक्वभावानामपितल्लोके।। ७९

अतः हि अपक्वभावानां अपि तत् लोके।। 

क्रमैकगत्युपपत्तेस्तु ।। ८०

क्रम-एकगत्या उपपत्तेः तु।। 

उत्क्रान्तिस्मृतिवाक्यशेषात् ।। ८१

उत्क्रान्ति-स्मृति-वाक्यशेषात्।।

महापातकिनां तु आर्तौ ।।८२

महापातकिनां तु आर्तौ।। 

सैकान्तभावोगीतार्थप्रत्यभिज्ञानात्।। ८३

सः एकान्तभावः गीता-अर्थ-प्रत्यभिज्ञानात् ।।

परां कृत्वैव सर्वेषां तथा ह्याह ।। ८४

परां कृत्वा एव सर्वेषां  तथा हि आह।। 

भजनीयेनाद्वितीयमिदंकृत्स्नस्यतत्स्वरूपत्वात् ।। ८५

भजनीयेन अद्वितीयं इदं कृत्स्नस्य तत्-स्वरूपत्वात् ।।

तच्छक्तिर्माया जडसामान्यात्।। ८६

तत्-शक्तिः माया जडसामान्यात्।। 

व्यापकत्वाद्व्यापकानाम् ।। ८७

व्यापकत्वात् व्यापकानाम्।। 

नप्राणिबुद्धिभ्योऽसंभवात् ।। ८८

न प्राणिबुद्धिभ्यः असंभवात्।। 

निर्मायोच्चावचं श्रुतीश्चनिर्मिमीते पितृवत् ।। ८९

निर्माय उच्चावचं श्रुतिः च निर्मिमीते पितृवत्।। 

(उच्चावचं?) 

मिश्रोपदेशान्नेति चेन्न स्वल्पत्वात्।। ९०

मिश्र-उपदेशात् न इति चेत्, -न स्वल्पत्वात्।।

फलमस्मात्बादरायणो दृष्टत्वात्।। ९१

फलं अस्मात् बादरायणः दृष्टत्वात्।। 

व्युत्क्रमादप्ययस्तथादृष्टम्।। ९२

व्युत्क्रमात् अप्ययः तथा दृष्टम्।। 

तदैक्यंनानात्वैकत्वमुपाधियोगहानादादित्यवत्।। ९३

तत् ऐक्यं नानात्व एकत्वं उपाधियोग-हानात् आदित्यवत्।। 

पृथगिति चेन्नापरेणासंबन्धात्प्रकाशानाम्।। ९४

पृथक् इति चेत्, - न, अपरेण असम्बन्धात् प्रकाशानाम्।।

नविकारिणस्तुकारणविकारात् ।।९५

न विकारिणः तु कारणविकारात्।। 

अनन्यभक्त्या तद्बुद्धिर्बुद्धिलयादत्यन्तम् ।।९६

अनन्यभक्त्या तत् बुद्धिः बुद्धिलयात् अत्यन्तम् ।।

आयुश्चिरमितरेषां तु हानिरनास्पदत्वात् ।। ९७

आयुः चिरं इतरेषां तु हानिः अनास्पदत्वात्।। 

संसृतिरेषामभक्तिः स्यान्नाज्ञानात् कारणासिद्धेः।। ९८

संसृतिः एषां अभक्तिः स्यात् न अज्ञानात् कारण-असिद्धेः ।।

त्रीण्येषां नेत्राणि शब्दलिङ्गाक्षभेदाद्रुद्रवत्।। ९९

त्रीणि एषां नेत्राणि शब्द-लिङ्ग-अक्ष भेदात्-रुद्रवत् ।।

आविस्तिरोभावाविकाराःस्युःक्रियाफलसंयोगात्।। १००

आविः तिरोभावाः विकाराः स्युः क्रियाफलसंयोगात्।। 

***

।। ॐ शान्तिः शान्तिः शान्तिः ।।

।। इति महर्षि श्रीशाण्डिल्यकृत भक्तिदर्शनम् ।।

।। शिवार्पणमस्तु ।।

***