तन्मयो माया प्रमाता।।

प्रत्यभिज्ञाहृदये 6.

-----------------------

चित्तमेव तु मायाप्रमातुः स्वरूपम्--इत्याह :

तन्मयो मायाप्रमाता  ।।६।।

देहप्राणपदं तावत् चित्तप्रधानमेव, शून्यभूमिरपि चित्तसंस्कारवत्येव, अन्यथा ततो व्युत्थितस्य स्वकर्तव्यानुधावनाभावः स्यात्,  -- इति चित्तमय एव मायीयः प्रमाता । अमुनैव आशयेन शिवसूत्रेषुवस्तुवृत्तानुसारेण 

'चैतन्यमात्मा' (१-१)

इत्यभिधाय, मायाप्रमातृलक्षणावसरे पुनः

'चित्तमात्मा' (३-३)

इत्युक्तम् ।।६।।

***

अस्यैव सम्यक् स्वरूपज्ञानात् यतो मुक्तिः, असम्यक् तु संसारः, ततः तिलश एतत्स्वरूपं निर्भङ्क्तुमाह 

स चैको द्विरूपस्त्रिमयश्चतुरात्मा सप्तपञ्चकस्वभावः ।।७।।

***